作者：何鑫渠

沪语改写、诵读：郭健

审阅、推荐：丁迪蒙

编辑：王乙其

春季，百花争艳。阿拉赏梅、观樱、品李、访桃、看油菜花不亦乐乎。最近几年，上海人观赏花卉个品种看个人最多个是原产地勒中国、而勒日本发扬光大盛放得名个樱花。顾村公园最结棍个记录是两日天总共有得30万人之多。

中国人讲究植物寓意，梅兰竹菊四君子：梅，高洁傲岸；兰，优雅空灵；竹，虚心有节；菊，冷艳清贞。千百年来，伊拉以勿俗个品质、品格，一直为世人所钟爱，成为一种人格品性个文化象征。

樱花虽然花繁色艳，如云似霞，但有啥个人文寓意呢？至少目前我还勿够了解。樱花是日本国花，阿拉大规模引进个辰光勿长，或许其人文寓意还来勿及积累，本属正常，但问题是，中国原有个搿眼植物个人文寓意拨厾脱、拨忽视，我总归觉着有眼遗憾个。

比方搭香港特别行政区个区花同名勿同种个紫荆花。此花奇特但比较普遍，上海个马路边浪搭小区里向就有勿少，